ГОВЬ-АЛТАЙ: "Гэгээн нуурын мөнгөн өвөл 2023" мөсний баярт 1000 гаруй хүн зочиллоо

Говь-Алтай : "Гэгээн нуурын мөнгөн өвөл 2023" мөсний баярын үйл ажиллагаанд 1000 гаруй иргэн хамрагдлаа. Өвлийн аялал жуулчлалыг хөгжүүлэх, сурталчилан таниулах, үндэсний өв соёл болох үндэсний сурын харвааг олон нийтэд түгээн дэлгэрүүлэх зорилгоор “Гэгээн нуурын мөнгөн өвөл 2023” арга хэмжээг энэ сарын 21-нд зохион байгууллаа. Энэхүү арга хэмжээнд тус аймгийн 20 албан байгууллага, аж ахуйн нэгжийн 1000 гаруй хүн хамрагдаж нэгэн өдрийг эрүүл агаарт өнгөрүүлсэн тухай Говь-Алтай аймгийн БОАЖГ-аас мэдээлэв. Энэ үеэр байгууллага хамт олны хурд хүч, авхаалж самбаа, идэвхтэй оролцоог нэмэгдүүлэхээр зургаан төрлийн тэмцээн зохион байгуулсан аж. Үндэсний сур харваа, мөсний шагай, олс таталт, тэшүүр, үндэсний хувцастай хос шалгаруулах тэмцээн, хээрийн цайны амталгаа гэх мэт тэмцээнд нийлбэр дүнгээр Цагдаагийн газрын баг хамт олон түрүүлсэн юм. Говь-Алтай аймгийн ЗДТГ, Биеийн тамир спортын газар, Байгаль орчин, аялал, жуулчлалын газар, “Тайшир Гуулин” УЦС, Тайшир сумын ЗДТГ хамтран зохион байгуулсан билээ.
Мэдээ таалагдсан бол like share хийн үү |
    twitter     share     73    0