ОХУ Европ, Америк, Сингапурын эрчим хүчний гучин нэгэн компанид хориг тавьжээ

Украины асуудлаас болж барууны орнууд ОХУ-ын эсрэг хориг арга хэмжээ авсны хариу болгож ОХУ-ын Засгийн газар Европын холбоо, АНУ, Сингапурын эрчим хүчний 31 компанид хориг тавих тухай тогтоолыг лхагва гарагт гаргасан байна. ОХУ-ын Засгийн газрын хориг арга хэмжээний жагсаалтад 31 компани багтсан ба ихэнх нь ОХУ-ын эрчим хүчний “Газпром” компанийн охин компани болох “Газпром Германиа” группт харьяалагддаг компаниуд байжээ. Мөн Ямал-Европ хийн хоолойн Польшийн хэсгийг эзэмшигч Польшийн “EuRoPol Gaz S.A” компани хоригт өртсөн байна. Хоригт багтсан компаниудтай холбоотой гүйлгээг хориглож, тэдгээртэй холбоотой хөлөг онгоцуудыг ОХУ-ын боомт руу нэвтрэхийг хоригложээ. ОХУ, Украины дайн эхэлсний дараа барууны орнууд ОХУ-ын эсрэг урд өмнө байгаагүй өргөн цар хүрээтэй хориг арга хэмжээ авсан.
Мэдээ таалагдсан бол like share хийн үү |
    twitter     share     39    0