Иран: Сонгомол бөхийн аварга тамирчнаа цаазалжээ

Иран улсын Дээд шүүх сонгомол бөхийн улсын аварга тамирчин, 27 настай Навид Афкарт ялын дээд хэмжээ оноосноо саяхан зарласан билээ. Тэрээр 2018 онд Засгийн газрын бодлогыг эсэргүүцсэн жагсаалд оролцож байхдаа хамгаалалтын албаны офицерын амийг хөнөөсөн гэх хэрэгт буруутгагдсан юм.

Түүний ялыг иргэд болон олон улсын томоохон байгууллагууд эсэргүүцэж байсан ч тус улс ялыг бямба гаригт /2020.09.12/ Навид Афкарын гэр бүлийнхний өмнө гүйцэтгэсэн талаар тус улсын хэвлэлүүд мэдээлжээ.

Афкари 2019 оны есдүгээр сард өөрийг нь эрүүдэн шүүж, хүчээр хэрэг хүлээлгэсэн тухай Ираны шүүхэд гомдол гаргасан ч уг гомдлыг хэрэгсэхгүй болгожээ. Ираны хүний эрхийн байгууллагуудын дэлгэсэн ярианы бичлэгт Афкари “Намайг буруутгах ямар ч нотолгоо байхгүй. Тэд намайг сонсохыг огт хүсэхгүй байна.Тэдний эцсийн зорилго бол намайг цаазлах гэдгийг би ойлголоо” хэмээн ярьсан байна.

Эх сурвалж: BBC (Н.Амгалантуул news.mn)

Мэдээ таалагдсан бол like share хийн үү |
    twitter     share     75    0