МҮЭ-ийн холбооны уриалгыг УОК-оос дэмжин шийдвэр гаргалаа

МҮЭ-ийн холбооноос улсын хэмжээнд үйл ажиллагаа явуулж байгаа байгууллагуудад хандан коронавирусийн халдвараас урьдчилан сэргийлэх, хамгаалах зорилгоор тодорхой зохицуулалт арга хэмжээ авч ажиллах уриалгыг 2020 оны хоёрдугаар сарын 13-нд гаргасан билээ.

Тус уриалгад 0-12 насны хүүхэдтэй ажилтнуудын ажлын цагийг хорогдуулсан цагаар ажиллуулахыг уриалж, МҮЭ-ийн холбооны нийт гишүүн байгууллагууд төдийгүй аж ахуйн нэгж байгууллагууд ч дэмжин ажилласан юм. Тэгвэл УОК-оос 0-5 насны гэсэн хязгаараа МҮЭ-ийн холбооны гаргасан жирэмсэн болон 0-12 настай хүүхэдтэй эхчүүд, эмэгтэйчүүдэд хэмээн өөрчилж 3 дугаар сарын 11-30-ныг хүртэл гэрээсээ ажлаа хийх, хүүхдээ асрах цалинтай чөлөө олгох боломж бүрдүүлэхийг аж ахуйн нэгж, байгууллагад даалгасанд ( 0-5 нас, 3-с дээш нас гэснийг өөрчлөв) МҮЭ-ийн холбоо талархаж байна.
Мөн Монгол Улсын Ерөнхийлөгчийн Тамгын газраас бусад байгууллагын удирдлагуудыг өндөржүүлсэн байдлын хугацаанд ажилчдадаа цалинтай чөлөө олгох, зайнаас ажиллах боломж бүрдүүлж өгөхийг уриалжээ.

Хайртай хүмүүсээ хамтдаа хамгаалъя.

Мэдээ таалагдсан бол like share хийн үү |
    twitter     share     192    0