“Өрх бүрийг үнэгүй орон сууцтай болгох бодлого нь ямар ч үндэслэлгүй”

Банкуудын холбооноос бодлогын хүүгээ бууруулж, активаа багасгавал бид зээлийн хүү, эргэн төлөлтийг гурван сараар хойшлуулах хүсэлтийг өгсөн ч бодлогын хүүг бууруулж өөртөө ашигтай шийдвэр гаргуулаад иргэдийн зээлийн төлөлтийг хойшлуулах асуудал дээр хойрго хандаж байгааг УИХ-ын гишүүн О.Баасанхүү хэллээ.

Тэрбээр "Эдийн засгаа сэргээх гэдэг ойлголт руу явж байгаа энэ үед эрх баригч МАН зургаан шийдвэрийг яаралтай гаргаж өгөхийг хүсэж байна.

Зээл хойшлуулах, царцаах асуудлыг яаралтай шийдвэрлэх, хариуцлага тооцох

Аймгийн Засаг дарга нарт чиглэл өгч, түрээс багасгах алхам хийх

НӨАТ-ыг гурван хувь болгох зэрэг шийдвэрийг гаргахыг хүсэж байна" гэсэн юм.

Харин намуудын мөрийн хөтөлбөрийн тухайд жинхэнэ утгаараа мөрөөдлийн жагсаалт болсныг хэлээд дундаж цалинг 3, 5 сая төгрөгт хүргэх нь боломжгүй гэдгийг хэллээ.

МАХН-ын мөрийн хөтөлбөртөө тусгасан дундаж цалинг таван сая төгрөгт хүргэж, өрх бүрийг орон сууцтай болгох бодлого нь ямар ч үндэслэлгүй бөгөөд Ерөнхийлөгчөөр ажиллаж байсан, намын дарга хүний хувьд ийм боломжгүй зүйлийг амлаж буйд эгдүүцэж байгаагаа илэрхийлсэн юм.

Н.Бүжин

Мэдээ таалагдсан бол like share хийн үү |
    twitter     share     137    2