Говь-Алтай аймагт өндөр настан малчин руу чоно дайрчээ

Говь-Алтай аймгийн Халиун сумын Гүү бариач багийн нутагт хоёрдугаар сарын 12-ны өдөр 70 настай хөгшин, 12 настай зээ хүүгийн хамт малд явж байхад нь чоно дайрсан хэрэг гарчээ.

Өндөр настан н.Нэргүй нь өвөлжөөнөөсөө нэг км зайтай малд явж байхад нь чоно дайрсан гэх бөгөөд энэ талаар "Тулж явсан модоо аманд нь тэвхдэх зуур хүү чулуугаар цохисноор чоноос мултарч гэртээ ирсэн" гэх мэдээллийг ар гэрийнхэн нь өгчээ. 

Өвөө зээ хүү хоёр зөөлөн эдийн гэмтэлтэй гэх оноштойгоор аймгийн нэгдсэн эмнэлгийн халдвартын тасагт хэвтэн эмчлүүлж байгаа аж. Мөн урьдчилан сэргийлэх зорилгоор галзуугийн вакцин хийжээ.

Эх сурвалж: Алтайн мэдээ сонин

Мэдээ таалагдсан бол like share хийн үү |
    twitter     share     154    0